غسان الحسيني
يا جماعه اليوم احجيلكم سالفة بس مو على رحلتي البطرانية ..... راح اسولف على مقترح تشكيل الحكومة حتى القوائم المتزمته بالانفراد بالسلطه ترتاحمقترحي راح يرضي الجميع وراح يحقق فوائد للشعببس نفذوا ولا تناقشوااول شي احنا بالعراق نداوم خمسة ايام بالاسبوع لان الجمعه والسبت عطلهتبقى الخمسة ايام نقسمها على الاحزابالاحد........ القائمة العراقيةالاثنين ..... دولة القانونالثلاثاء ...... الانتلاف الوطنيالاربعاء ..... التحالف الكردستانيالخميس ..... الاقلياتهسه نشرح ليش هاي الايام وهذا التقسيم
خلينه القائمة العراقية يوم الاحد لان المواطن يكون مرتاح صار يومين ( الجمعه والسبت ) وراح يتقبل قرارات العراقية الخاصة بالغاء اجتثاث البعث واعدام هيئة المسائلة والعدالة وتعيين البعثيين بمناصب مدراء عامين وتشكيل جهاز مخابراتي نجيفي .... طبعا المواطن راح يكون دايخ من العطلة ويتقبل هذه القرارات .
دولة القانون يوم الاثنين وهي عطلة الحلاقين راح تحاول ان تعالج موضوع قرارات العراقية لكن بين ما تدرس هاي القرات يكون الدوام خلص وماكو بعد مجال حتى الاثنين القادم .
الثلاثاء يكون من نصيب الائتلاف الوطني .... طبعا راح يدور على الحل بس ما يقدر لان واحد يجر بالطول والثاني هم بالطول لان احنا ما عدنا عرض ..
الاربعاء اخوانا الاكراد وهم ما يسون شي لان بين ما يوصلون الى بغداد من الشمال يكون كل شي منتهي
الخميس للاقليات لن نص دوام وما يكدرون يسوون شي
اذا صادف اي يوم عطله خلال الاسبوع لازم القائمة الي عليها السره تتحمل الى الاسبوع القادم
اما الفوائد من هذا المقترحاول شي ندوخ الشعب دوخة حتى يصل الى مرحلة المصطول .
ثاني شي علاقات قوية مع الدول يعني مثلا علاقاتنا مع السعودية يوم الاحد قوية جدا وبقية الايام تنقطع العلاقات
نظهر اما العالم بمظهر جديد وتجربة جديدة مثلا اذا صار مؤتمر احنا العراقيين كل يوم خلال المؤتمر يطلع عدنا رئيس وفد جديد ... الى ان نخربط المؤتمر وندوخهم
نخلي حيرانه مع اي قائمة واي يوم تتفاهم ويانا
هذا المقترح ما يخلي عطاله بالبلد ... اني اكول لكم ليش
لان كل منصب راح يكون له خمسة اشخاص على ايام الاسبوع وعلى نوع القائمة ... يعني( 5) وزراء لكل وزارة( 5) مدراء عامين لكل مديرية .وعلى هاي الرنه ........ الماطور كتال صاحبه
يعني يمكن انكوم نستورد موظفين من الخارجوندخل في كتاب غينس للارقام القياسية
ويصير عدنا كلشي وكلاشي
بس هذا الشي بيه شي واحد موزين تدرون شنو ؟ما راح اكول الى باجر حتى ادوخكم مثل ما دوخنا السياسيين .... لو اني حرام عليه وهمه حلال
بشرفكم حجي بي شي غلط
https://telegram.me/buratha
