ضياء ابو معارج الدراجي||
صبريه ازوجت عليوي ، وهي مره معدله وحلوه كلش وعليوي خوش زلمه بس طاگه العوز ، ولا فلس عنده ..
يسولف لصبريه يگلها والله من تصير عندي فلوس الا اترس ايدچ ذهب وأشتريلچ بيت بالولايه ، يصفط عليها ويخطط لمشاريع مستقبليه بعيده المنال ..
ذاك اليوم عليوي طلع يحش حشيش ، جان تگرصه حيه ويموت ( الله يرحمه ) .. ظلت صبريه تبيع مخضر وتجمع فلوس وتشتري كل عيد اضحيه ( طلي ) وتذبحة بثواب المرحوم ..
ولدهه يسألوها المن هذا الطلي يمه ..؟
تكلهم لأبوكم عشرته ماتنسي يا بعد رويحتي ، ومن تذكره تبچي وتنوح ..
الى ان اجاها واحد الله رازقه ومنعم عليه ( فايخ ) .. وصارت صبريه بأحسن حال تصعد ( جكساره ) وترجع ( بجكساره ) ومن إجه عيد الأضحى هم اشترت طلي حتى تذبحه وهم سألوها ولدها يمه هذا المن تذبحين الطلي ..؟
گالت : هذا الطلي بثواب الحيه الگرصت ابوكم
هسة وين الحية الي تخلصنا من عليوي
https://telegram.me/buratha
