( شعر : أبو أحمد الحداد المسعودي )
نسولف كل حجينه إبهل الشهر بدموع مانهجع لوّن نبجي العمر نلطم
على مصاب اللّذي مات إنذبح عطشان نحزن للمآسي إنقيم إله مأتم
هذا بن الصميده حسين إبو الأحرار ويانه يعيش إبكل نفس بلسم
إسمه بكل زمان حروفه كل إمجان من طه النبي أوصافه تتبسم
إذا ردت الحقيقه إتشوفه بحسين من خطه نهج آفاقه تترسم
يعني إنته التريده إبمنهل المذبوح تقراه وتذود بغيرة :تتحشم
من يوم الطفوف أوصاله عل التر بان ماماتت تشوفه بجوده : تتكلم
سره من الشهيد إتكاتب إبعرفان وتخلد زمان إقراه : تتعلم
كل يوم اليمر ويانه صوت بصوت وإحنه إويه اليحب حسين نتحزم
كل إحنه وفاء إلكربله زوار وضريح الشهيد إبكل كلب : ملزم !
نندب ياعلي بحسين والعباس وبزينب نشوف الأكبر : إمجسم !
والسجاد يكظم صبره بالآهات ودموع الثكاله صخور : تتهشم !
تشوف إنته الضحايه إمطشره إبكل صوب والأطفال تاهت بالبراري إهناك تتهزم
إبهاي أحداث عاشور إنكتب تاريخ تاريخه ثبات أرقامه : تتقسم
إحسبه إبحياتك ماتموت إبيوم عمره إبكل عمر تلكاه بالمعجم !
معجمنه الولايه إمترجم إبآيات تسرده إبوضوح إتماشي لبنآدم
ياجدم اليحبه إعله الصراط يفوت وإلسان اليضده إتشوفه : يتلعثم
أسطورة محرم شامخه إبأجيال مايخمد صداه أنغامه : تترنم
أسرار الخليقه إلزومه بالإيمان كل سر بلغز عرفانه : يتحجم
تعال إنته المحرم تكتشف أسرار يوم بيوم بلسانك نطق والفم !
تتكابر خلود وياه بسم حسين ثاره إلكل محب : شريانه ويه الدم !!
نسولف كل حجينه إبهل الشهر بدموع مانهجع لوّن نبجي العمر : نلطم
تمت ولله الحمدهولنده محرم 2008م
https://telegram.me/buratha
