ا يالولي ا يالولي
.
بعد المصاب بْكربله
سْكينه العزيزه مْيسره
.
ا يالولي ا يالولي
.
...........................
.
.
من ودّع اعياله الولي حسين ابن حامي الحمه
لِسْكينه ابو اليمه التفت دَمعتها عالخد ساجمه
ساعة الم ما تنوصف حالة سكينه تْأَلِّمه
هلّت دمعته ابن النبي وْ دمعة سكينه اتكلمه
.
انتَ القضيّه العادله - ربنه المصابَك ينظره
ا يالولي ا يالولي
.
...................
.
بعد الوداع وْ هالحزن صارت تنوح وْ خايفه
وِتْنادي عمّي يالبطل يالهمّي وحدك عارفه
وْصارت تصدّ اعله المر تنظر جراحه النازفه
حامي خدرنه وْ كافله جْيوش الخيمنه زاحفه
.
ظل الخدر من يكفله - وْهاي اليتامه مْحيّره
ا يالولي ا يالولي
.
...................
.
تندب اخيها وْ مصرعه وم الاعادي تْولّته
نُور الرسول المصطفى حيدر ولينه بْصولته
ابن الوديعه الطاهره روح الحسين وْ مهجته
عالاكبر يْهلّ الدمع بالخيمه تنظر جثته
.
وابنحره امّه تْقبله - لبِ الْيِشوفه يْفطّره
ا يالولي ا يالولي
.
...................
.
تنعه الرضيع بْكربله تنوح وْ توِنّ المصرعه
بْحرِّ الشموس وْ يالضمه صارت مهجته مْروّعه
لا غيره عدهم لا رحم سدّو طريق المشرعه
ذبحو وريده مْن النحر فَزّ الماطه طّعه
.
بْسهم المنيّه وْ حرمله - بّه السماء بْمنظره
ا يالولي ا يالولي
.
...................
.
نار بْخيمهم لاهبه حرت ضعنهم والخدِر
سِلبو عيال المصطفى لا حرمه راعو لا ستر
هذي شيمهم بالحرب اهل الضغينه والغدر
كلهن يصيحن يا علي ذبحو ولينه مْن النحر
.
سْكينه وْ بنات العائله - كلهن ينادن حيدره
ا يالولي ا يالولي
.
...................
.
ليلة عذاب وْ مؤلمه فرا الحبيب وْ يالمحب
عْيال وْ حرم متجمّعه حزنانه كلها وْ تنتحب
كلمن ينوح السلوته للباري امره وْ محتسب
سكنه تراها غايبه وْ راحت تِدَوّر بالدرب
.
ظنها الابيْها تْقابله - تشكي الهضيمه مْن الجره
ا يالولي ا يالولي
https://telegram.me/buratha
