قصيدة آلمني وضعك يا وطن

( شعر : المهندسة بغداد )

المني وضعك يا وطن

دومك ترة انتة بمحن

أبجي عليك وانسحن

لمن اشوفك بس تون

المني وضعك يا وطن

المني فركة دجلتك

ليمتة تضل بوحدتك

وين الجبال ونخلتك

كلها تروح وعافتك

المني وضعك ياوطن

المني ظهرك منحني

هذا العراق وموطني ؟

وبعدك بيمن احتمي

وبيا حضن اني ارتمي

المني وضعك يا وطن

المني تقصيري وياك

لمن طلعت بلياك

وين اني اشوفك والكاك

لتظن ترة اني انساك

المني وضعك ياوطن

المني الطيبين بحيرة

اهل النخوة واهل الغيرة

مبلي بارهابي وتكفيرة

كل عشرة نصبولة اميره

المني وضعك ياوطن

المني ولدك  تعبوك

يكولون همة يحبوك

ومن حبهم كاموا سلبوك

وياريت ما جانوا حبوك

المني وضعك يا وطن

ياوطني وك زلزل كاعك

ونزل كل تكفيري ال باعك

وابحر يا وطني بشراعك

خليني أنة اموت بكاعك

خليني انة أموت بكاعك

اشترك في قناة وكالة انباء براثا على التلجرام
https://telegram.me/buratha